Гродзенец памёр каля лякарні пасля таго, як яго адмовіліся прыняць
Зранку 27 лістапада на тэрыторыі Гродзенскага абласнога цэнтра "Псіхіятрыя-наркалогія" знайшлі цела мужчыны, піша "Гродзенская праўда".
Галоўны лекар гэтага цэнтра Максім Варонка распавёў, што мужчына звярнуўся ў прыёмны пакой лякарні напярэдадні ўвечары.
"Стан пацыента пагрозы жыцці не ўяўляў. Яму было прапанавана прайсці паўторны агляд раніцай наступнага дня для вырашэння пытання аб далейшым лячэнні", — кажа Варонка.
А зранку адзін з кіроўцаў, якія прыбылі ў лякарню на перадрэйсавы медагляд, знайшоў мужчыну ўжо мёртвым. Галоўны лекар заяўляе, што ніякіх пашкоджанняў на целе гродзенца ўвечары 26 лістапада не было.
Акалічнасці здарэння высвятляюць праваахоўнікі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
