Гісторыкі Андрусь і Таццяна Мастыкі — на волі
Сям'я беларускіх гісторыкаў, пра затрыманне якой стала вядома 20 ліпеня, на волі. Як піша тэлеграм-канал @by_culture, вызваленыя Андрусь Мастыка і яго жонка Таццяна Мастыка. За кратамі яны правялі 10 дзён.
Па якой крымінальнай справе затрымлівалі Мастыкаў, невядома. Ператрус і затрыманне 19 ліпеня правялі супрацоўнікі КДБ. Адваката ў кватэру не пусцілі.
Таццяна Мастыка раней узначальвала грамадскае аб’яднанне “Гісторыка”.
