У Мінску затрымалі сям'ю гісторыкаў
У Мінску затрымалі сям'ю гісторыкаў — Андруся і Таццяну Мастыкаў, паведамляе ў сваім ТГ-канале Беларуская Рада культуры.
19 ліпеня ў іх адбыўся ператрус, які ладзілі супрацоўнікі КДБ. Па якой справе адбываўся ператрус, невядома. Адваката ў кватэру ў гэты час не пусцілі.
Паводле апошняй інфармацыі, Таццяна цяпер знаходзіцца ў цэнтральным апараце КДБ, яе статус невядомы. Дзе знаходзіцца Андрусь Мастыка, пакуль не вядома.
Таццяна Мастыка раней узначальвала грамадскае аб’яднанне “Гісторыка”.
