"Гісторык" Пуцін расказаў амерыканцу пра ВКЛ
![Такер Карлсан і Уладзімір Пуцін](/sites/default/files/styles/gallery_main/public/2024-02/12444.jpg.webp?itok=sPIScsF7)
Такер Карлсан і Уладзімір Пуцін / t.me/dimsmirnov175/
"Гісторык" Уладзімір Пуцін расказаў у інтэрв'ю амерыканцу Такеру Карлсану пра Вялікае княства Літоўскае. Праўда, па яго версіі, "рускія складалі значную частку гэтай дзяржавы". З гэтым можа не пагадзіцца нават Аляксандр Лукашэнка, які лічыць перыяд Рэчы Паспалітай "акупацыяй", але кажа, што "ВКЛ — гэта мы, гэта наша дзяржава" (адна з "гістарычных формаў дзяржаўнасці на нашай зямлі").
Пуцін у чарговы раз спрабаваў абаснаваць прэтэнзіі Расіі на землі Украіны. Ён нават згадаў, што ВКЛ "называлі Літоўска-Рускім". Пра беларусаў пры гэтым не згадаў, як і пра тое, каго называлі "рускімі" ў тыя часы.
Расійскі прэзідэнт гаварыў і пра Унію Вялікага Княства Літоўскага з Польскім каралеўствам 1569 года. Па яго версіі, палякі "прыдумалі" ўкраінцаў. Ён нават паказваў амерыканцу копіі нейкіх лістоў Багдана Хмяльніцкага: "Каб вы не падумалі, што я нешта прыдумляю".
А яшчэ прэзідэнт РФ заблытаўся пасля ўдакладняльнага пытання.
Як адзначаюць эксперты, Уладзімір Пуцін не сказаў нічога новага. Гэта была прапаганда, якая ўжо добра вядомая на Захадзе.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.