"Гэта я ў Дубаі, я адпачываю": ТОП песень, якія беларусы слухалі на Новы год
![Instasamka, WHAM , Мэрая Кэры — лідары па праслухоўваннях у святы ў Беларусі / калаж Еўрарадыё](/sites/default/files/styles/gallery_main/public/2023-08/topchart.jpg.webp?itok=4ktmJrEa)
Instasamka, WHAM , Мэрая Кэры — лідары па праслухоўваннях у святы ў Беларусі / калаж Еўрарадыё
Якая можа быць вечарынка без музыкі? Асабліва калі гаворка ідзе пра Новы год. Еўрарадыё пацікавілася, што слухалі беларускія карыстальнікі папулярных музычных сэрвісаў апошнімі днямі. Атрымаўся нечаканы топ навагодніх песень.
Spotify
Лідарам рэйтынгу за 31 снежня ў беларускім Spotify стала расійская спявачка Instasamka з песняй "За деньги да" (цытата з гэтай глыбокай кампазіцыі вынесеная ў загаловак). Слухаюць артыстку беларусы не толькі ў святы — яна заўжды знаходзіцца сярод лідараў.
На другім месцы ўжо больш чаканая кампазіцыя: Last Christmas ад гурта Wham! Затым у топе ідзе расійскі рэпер Big Baby Tape з песняй Like A G6, на чацвёртым месцы яшчэ адна песня ад Instasamka, а на пятым — "Навагодняя" ад групы Дыскатэка Аварыя.
!["Это я в Дубае, я ща отдыхаю": ТОП песен, которые белорусы слушали на Новый год](/sites/default/files/styles/default_image_paragraph_watermark/public/paragraphs/image/%D1%81%D0%BF%D0%BE%D1%82%D0%B8%D1%84%D0%B0%D0%B9.PNG.webp?itok=uvrheM9H)
Apple Music
Тая самая Instasamka у лідарах і чарта Apple Music — праўда, яе "За деньги да" займае зараз другі радок. На першым месцы ў сэрвісе па праслухоўваннях сярод беларусаў цяпер Мэрая Кэры з All I Want For Christmas Is You. На трэцім — Bobby Helms з Jingle Bell Rock.
На чацвёртым месцы — яшчэ адна расійская артыстка, Anna Asti, з песняй "По барам", на пятым — Jingle Bell у выкананні Фрэнка Сінатры.
!["Это я в Дубае, я ща отдыхаю": ТОП песен, которые белорусы слушали на Новый год](/sites/default/files/styles/default_image_paragraph_watermark/public/paragraphs/image/%D1%8D%D0%BF%D0%BB.PNG.webp?itok=8aY1DART)
А якія песні ствараюць навагодні настрой вам? Можаце расказаць нам у каментарах у тэлеграме.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.