Генпракурор Украіны: 352 дзіцяці загінулі ў выніку ўзброенай агрэсіі РФ
Офіс генеральнага пракурора Украіны расказаў, колькі дзяцей сталі ахвярамі вайны.
“Па афіцыйнай інфармацыі ювенальных пракурораў 352 дзеці загінулі і больш за 657 атрымалі параненні рознай ступені цяжару”, — сказалі ў офісе.
Там адзначаюць, што гэтыя лічбы не даканцовыя. Усё яшчэ можа не быць дакладных дадзеных з месцаў вядзення актыўных баявых дзеянняў, а таксама на часова акупаваных і вызваленых тэрыторыях.
“Больш за ўсё пацярпела дзяцей у Данецкай вобласці - 352, Харкаўскай - 191, Кіеўскай - 116, Чарнігаўскай - 68, Луганскай - 61, Мікалаеўскай - 53, Херсонскай - 52, Запарожскай-31”, — дадалі ў офісе генпракурора Украіны.
Апошняя трагедыя, кадры якой патрэслі шмат каго ў свеце, адбылася ва ўкраінскай Вінніцы. Там загінула 4-гадовая дзяўчынка і двое хлопчыкаў. Яшчэ чацвёра дзяцей атрымалі параненні.
