Расійскія войскі нанеслі ракетны ўдар па Вінніцы, сярод загінулых дзеці

14 ліпеня расійскія войскі працягваюць абстрэльваць украінскія гарады. Пад ракетны ўдар трапіла Вінніца. Паводле папярэдняй інфармацыі, тры ракеты трапілі ў офісны будынак. Пацярпелі таксама Дом афіцэраў і жылыя дамы. Агонь перакінуўся на аўтастаянку, на якой гарэлі дзясяткі аўтамабіляў.

Вядома пра два дзясяткі загінулых (сярод іх трое дзяцей) і амаль сотню параненых.