Генпракуратура Беларусі просіць Мінюст Польшчы выдаць Пуцілу і Пратасевіча

Генпракуратура Беларусі спасылаецца на дамову з Польшчай аб прававой дапамозе і прававых адносінах ад 1994 года. У паведамленні згадваецца, што Следчы камітэт нашай краіны расследуе крымінальную справу ў дачыненні згаданых беларускіх грамадзян. Яе распачалі па фактах "здзяйснення наўмысных дзеянняў, накіраваных на распальванне сацыяльнай варожасці па прыкмеце прафесійнай прыналежнасці" (ч. 3 арт. 130 Крымінальнага кодэкса), "арганізацыі масавых беспарадкаў" (ч. 1 і ч. 3 арт. 293) і "арганізацыі групавых дзеянняў, якія груба парушаюць грамадскі парадак" (ч. 1 і ч. 2 арт. 342).

Генпракуратура мае даныя, што Пуціла і Пратасевіч знаходзяцца ў Варшаве, але нібыта не ведае, што апошні ўжо пакінуў праект.