Газета “Новы час” — сярод першых, хто атрымаў папярэджанне Мінінфарма

Міністэрства інфармацыі Беларусі папярэдзіла недзяржаўны тыднёвік "Новы час". Па словах галоўнага рэдактара выдання Аляксея Караля, папярэджанне ім у рэдакцыю з Мінінфарма накіравалі заказным лістом. І першы раз яго прыносілі 3 сакавіка, але ў рэдакцыі нікога не было і таму ніхто пра яго не ведаў. І толькі 9 сакавіка Аляксей Кароль сам схадзіў на пошту і атрымаў той заказны ліст з папярэджаннем.

Кароль: “Мы не ведалі, што самі ўжо атрымалі папярэджанне, калі прачыталі, што яго далі іншым выданням. Паглядзелі, ці ёсць у нас тая “памылка”, за якую іншых папярэдзілі — у нас таксама "РБ" стаіць [у выходных дадзеных]. Ну, думаем, пранесла — не пранесла, але выправіць-выправілі”.

Як высветлілася, позна. Па словах Аляксея Караля, у атрыманым папярэджанні ад Мінінфарма яны не бачаць трагедыі — у ранейшыя гады іх у “Новага часу” было "па чатыры на год".

Нагадаем, на пачатку сакавіка папярэджанні атрымалі газеты “Intex-Press” з Баранавічаў і “Ганцавіцкі час”. Таксама пісьмовае папярэджанне атрымала таксама рэдакцыя “Газеты Слонімскай”. Былі таксама вынесеныя папярэджанні грамадска-палітычнаму штотыднёвіку “Борисовские новости” і газеце “Рекламный Боржоми”. Падставай для папярэджання стала скарачэнне “РБ” замест “Рэспубліка Беларусь” у выходных звестках выданняў.

Часопіс “Вожык” і газета “Наш край” атрымалі папярэджанні Мінінфармацыі