Галоўным рэжысёрам Беларускага тэатра лялек стаў прыяцель Наталлі Эйсмант
![Яўген Карняг](/sites/default/files/styles/gallery_main/public/2024-03/karniah-0403.jpg.webp?itok=fYSLY66t)
Яўген Карняг / puppet-minsk.by
Галоўным рэжысёрам Беларускага дзяржаўнага тэатра лялек стаў Яўген Карняг.
Гэтая пасада заставалася вакантнай паўгода. Рэжым Лукашэнкі не працягнуў кантракт з папярэднім галоўным рэжысёрам — легендарным Аляксеем Ляляўскім: ён узначальваў тэатральную трупу да ліпеня 2023 года ўключна.
Карняг — адзін з самых таленавітых і вядомых сучасных тэатральных рэжысёраў Беларусі. Ягоны "КарнягТЭАТР" набыў вядомасць дзякуючы эксперыментам з чалавечым целам, акторскай пластыкай.
Таксама вядома, што Карняга звязваюць прыяцельскія адносіны з Наталляй Эйсмант — прэс-сакратаркай Лукашэнкі. Яны не толькі аднакласнікі: Эйсмант пад імем Наталлі Кірсанавай грала ў эксперыментальных пастаноўках Карняга "Cafe Поглощение" і "Не танцы".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.