Футбольныя зборныя Украіны і Польшчы прабіліся на чэмпіянат Еўропы
Украінскія футбалісты атрымалі чарговую валявую перамогу / Reuters
Футбольныя зборныя Украіны і Польшчы прабіліся ў фінальную частку чэмпіянату Еўропы. Яны выйгралі стыкавыя матчы: украінцы ў Ісландыі (2:1), а палякі ў Уэльса (5:4 па пенальці, асноўны час — 0:0). Раней Грузія сенсацыйна прайшла Грэцыю.
Такім чынам вядомыя ўсе ўдзельнікі кантынентальнага першынства:
Група А: Германія, Шатландыя, Венгрыя, Швейцарыя.
Група В: Іспанія, Харватыя, Італія, Албанія.
Група С: Славенія, Данія, Сербія, Англія.
Група D: Польшча, Нідэрланды, Аўстрыя, Францыя.
Група Е: Бельгія, Славакія, Румынія, Украіна.
Група F: Турцыя, Грузія, Партугалія, Чэхія.
Чэмпіянат Еўропы ў чэрвені-ліпені пройдзе ў Германіі.
