Францыя часова верне памежны кантроль
![Францыя часова верне памежны кантроль](/sites/default/files/styles/gallery_main/public/2023-08/6378462-germany_france_border-0.jpg.webp?itok=i-x0DNe5)
Францыя ўводзіць памежны кантроль на месяц, у перыяд правядзення кліматычнай канферэнцыі ААН, заявіў міністр ўнутраных спраў Францыі Бернар Казнеў.
Міністр патлумачыў, што на канферэнцыю ў Парыжы збяруцца дзясяткі кіраўнікоў дзяржаў і ўрадаў, і ўсё гэта “ва ўмовах тэрарыстычнай пагрозы і рызык парушэнняў грамадскага парадку”.
Пагранічны кантроль у Францыі будзе адноўлены з 13 лістапада тэрмінам на месяц.
Дагляд і праверка пашпартоў будзе ладзіцца на межах з усімі суседнімі краінамі Шэнгенскай прасторы — Бельгіяй, Люксембургам, Германіяй, Швейцарыяй, Італіяй і Іспаніяй.
Канферэнцыі ААН па пытаннях клімату пачнецца ў Парыжы 30 лістапада і завершыцца 11 снежня. Яе мэта – аб’яднанне намаганняў для барацьбы з глабальным пацяпленнем і агульнымі зменамі клімату.
Прадстаўнікі больш за 200 краін, у тым ліку каля 80 лідэраў дзяржаў, прымуць у ёй удзел.
Фота: travelblog.org