FIFA не пазбавіць Расію ўдзелу ў футбольным чэмпіянаце свету
Не пускаць сёлета расійскую зборную ў Бразілію прасілі амерыканскія сенатары Марк Кірк і Дэн Коатс.
Таксама яны прапаноўвалі Міжнароднай федэрацыі футбола прыпыніць сяброўства Расіі ў FIFA і пазбавіць яе права на правядзенне чэмпіянату свету ў 2018 годзе. Гэта было б пакараннем для Масквы за дзеянні ў Крыме, які быў адарваны ад Украіны, лічаць сенатары.
Аднак, як піша Wall Street Journal, FIFA гэтыя прапановы не падтрымала. Генсек арганізацыі Жэром Вальке (на здымку) спаслаўся на тое, што нормы і правілы федэрацыі не распаўсюджваюцца "на асобаў за межамі пірамідальнай структуры гульні ў футбол".
Фота — АР
