Фестываль Be Free! пройдзе ў Львове

Фeстываль «Be Free!» — працяг мінулагодняга фэсту «Права быць свабодным» — адбудзецца ў Львове 9-10 жніўня. Фэст пройдзе на двух сцэнах: на гарадскім рынку і ў Парку імя Багдана Хмяльніцкага. На ўдзел з беларускага боку ўжо пагадзіліся Krama, Neuro Dubel, ULIS, Stary Olsa, Žygimont vaza, WZ Orkiestra, Zet, вядуцца перамовы з іншымі вядомымі гуртамі. З польскага боку папярэднюю згоду на выступ даў гурт T-Love, з украінскага - «Тартак». На фэст прыедуць і іншыя ўкраінскія і польскія гурты. У хуткім часе для маладых беларускіх камандаў стартуе конкурс на ўдзел у «Be Free!» — падрабязнасці пра гэта з'явяцца на нашай старонцы і на сайце фестывалю.

Еўрарадыё арганізуе фестываль разам з "Беларускай музычнай альтэрнатывай" і ініцыятывай "Студфармат" пры партнёрстве Суполкі украінскай моладзі і шэрага міжнародных партнёраў.