Фермер атрымае кампенсацыю за знойдзеную галаву каня — 773 тысячы еўра
![Фермер атрымае кампенсацыю за знойдзеную галаву каня — 773 тысячы еўра](/sites/default/files/styles/gallery_main/public/2023-08/2w993qhighc0.bild22.jpg.webp?itok=ccG2LOGW)
Нямецкі фермер атрымае кампенсацыю за знойдзеную на яго зямлі бронзавую галаву каня — 773 тысячы еўра. Спецыялісты прызналі, што яна з'яўляецца часткай бронзавай коннай статуі канца першага стагоддзя да нашай эры.
Як піша Bild, археалагічная знаходка была зробленая ў 2009 годзе. Паводле закону, уладальнік зямлі мае права на палову яе кошту. Аднак улады федэральнай зямлі Гесэн збіраліся выплаціць толькі 48 тысяч еўра. Гэта абурыла фермера і ён падаў у суд. Эксперт ацаніў знаходку на суму 1,6 млн еўра. А значыць, памер узнагароджвання істотна вырас, што 27 ліпеня пацвердзіў суд. Аднак улады зямлі Гесэн паспрабуюць аспрэчыць яго рашэнне.
![Фермер атрымае кампенсацыю за знойдзеную галаву каня — 773 тысячы еўра](/sites/default/files/paragraphs/image/2w993qhighc0bild_1.jpg)
Фота: dpa