Еўропу чакае інфляцыя, а Украіна можа ўвайсці ў ЕС — #ІхНоравы

08/11/2023 - 16:35

Навіны замежжа

Еўропу чакае рост інфляцыі, што наогул не перашкаджае Украіне спадзявацца на сяброўства ў ЕС. Хто стане ўладальнікам прэміі Еўрапейскай кінаакадэміі і як быў ліквідаваны экс-кіраўнік "міліцыі ЛНР", чытаем у традыцыйнай рубрыцы Еўрарадыё "Іх норавы".

Украіна ўвойдзе ў ЕС?

Еўрапейскі саюз аднаўляе сваё пашырэнне. Пра гэта расказала кіраўніца Еўракамісіі Урсула фон дэр Ляен, якая прадстаўляе Германію, на пасяджэнні калегіі свайго ведамства з удзелам камісараў ад 26 іншых краін-чальцоў. Ёсць рэкамендацыі аб правядзенні афіцыйных перамоваў аб уступленні ў Еўрасаюз Украіны і Малдовы, а таксама наданні статусу краіны-кандыдата Грузіі.

Гэтыя працэсы могуць пачацца ўжо ў снежні пасля саміту ЕС. Брусель прад'явіў Кіеву шэраг папярэдніх умоў. Сярод іншага — выкараненне карупцыі, "дэ-алігархізацыя", а таксама забеспячэнне моўных правоў меншасцяў.

Па словах Камера, першапачатковае ўздзеянне на цэны на нафту цяпер цалкам павярнулася назад. Мы назіралі рост цэн на прыродны газ на 10%. Пакуль што канфлікт аказвае абмежаваны ўплыў на еўрапейскую эканоміку ў тым, што тычыцца цэн, а далейшае ўздзеянне будзе залежаць ад працягласці і інтэнсіўнасці блізкаўсходняга канфлікту.

“Калі ён будзе працягвацца так, як мы бачым, то яго ўплыў на Еўропу застанецца абмежаваным. Што тычыцца цэн на энерганосьбіты, то змены пакуль не такія драматычныя", — дадаў спецыяліст.

Хто стане ўладальнікам прэміі Еўрапейскай кінаакадэміі

Які фільм абвесцяць найлепшым еўрапейскім фільмам года? Спіс намінантаў гатовы, але вердыкт будзе абвешчаны 9 снежня ў Берліне. Там пройдзе цырымонія, арганізаваная Еўрапейскай кінаакадэміяй. Летась прэмію атрымала стужка Рубена Эстлунда "Трохкутнік тугі".

У гэтым годзе канкурэнцыя вельмі сур'ёзная, таму што фаварытаў няма, а значыць шмат і патэнцыйных пераможцаў. Падчас галасавання чальцы кінаакадэміі праявілі аднадушнасць. Прынамсі, у шорт-лісты намінацый "Найлепшы еўрапейскі рэжысёр" і "Найлепшы еўрапейскі фільм" увайшлі адныя і тыя ж карціны.

Адным з верагодных пераможцаў з'яўляецца фільм "Анатомія падзення" французскай рэжысёркі, уладальніцы "Залатой пальмавай галіны" ў Канах Жусцін Трые. Гэты фільм апавядае пра самыя цёмныя бакі жыцця сямейнай пары. Гераіню грае нямецкая акторка Сандра Хюлер. Яна прэтэндуе на ўзнагароду ў катэгорыі "Найлепшая жаночая роля".