Еўрасаюз забараніў здзелкі з беларускім лічбавым рублём і крыптавалютамі
Крыптавалюта / pixabay.com
Краінам Еўрасаюза забаронена "наўпрост ці ўскосна ўдзельнічаць у любых здзелках з крыптаактывамі ці лічбавымі валютамі цэнтральных банкаў" Беларусі і Расіі. Гэтыя абмежаванні ўведзеныя 20-м пакетам санкцый ЕС, прынятым 23 красавіка 2026 года.
У дадатку да рэгламенту Савета ЕС адзначаецца, што з 24 траўня санкцыі пачнуць дзейнічаць супраць лічбавага беларускага рубля. Гэты праект усё яшчэ знаходзіцца на стадыі падрыхтоўкі. Тым не менш у ЕС уводзяць санкцыі, бо мяркуюць, што лічбавы рубель "прызначаны для стварэння аплатнай сістэмы, якая абараняе беларускіх асоб ад наступстваў абмежавальных мер".
Таксама ЕС забараняе заключаць здзелкі з зарэгістраванымі ў Беларусі асобамі і кампаніямі, якія надаюць паслугі ў сферы крыптаактываў.
Таксама новыя санкцыі ЕС абмяжоўваюць любыя паслугі, якія "спрыяюць узмацненню тэхналагічных магчымасцяў Беларусі, у прыватнасці прадастаўленне кіраваных паслуг у сферы бяспекі".
