Еўрасаюз асудзіў забойства чачэнскай праваабаронцы Наталлі Эсцеміравай

Еўрасаюз асудзіў забойства ў Інгушэтыі чачэнскай праваабаронцы, супрацоўніцы цэнтру "Мемарыял" Наталлі Эсцеміравай і заклікаў прыцягнуць вінаватых да адказнасці. Аб гэтым заявіў Карл Більд, кіраўнік МЗС Швецыі, якая старшыньствуе ў ЕС.
Нагадаем, цела Эсцеміравай было знойдзена ў Інгушэтыі 15 ліпеня, праз некалькі гадзінаў пасля яе выкрадання невядомымі ў Грозным. Следства не выключае, што забойства можа быць звязанае з прафесійнай дзейнасцю праваабаронцы.

Забойства Эсцеміравай асудзіла таксама адміністрацыя прэзідэнта ЗША Барака Абамы, паведамляе БелаПАН.



Фота — Reuters