Еўрапарламентары хочуць наведаць Мінск
Афіцыйны запыт пра магчымасць дэлегацыі Еўрапарламента па справах Беларусі наведаць Мінск ужо накіраваны ў Міністэрства замежных спраў.
Па словах еўрадэпутата Марэка Мігальскага, еўрапарламентары хочуць перш за ўсё сустрэцца з сем'ямі палітвязняў і наведаць палітвязняў у турмах, перадае Радыё "Рацыя". Заяўка на візіт пададзеная на трэці тыдзень ліпеня.
Нагадаем, што апошнім разам у Мінску з афіцыйным візітам пабываў дакладчык дэлегацыі Еўрапарламента па Беларусі Юстас Палецкіс. Па выніках візіту палітык рыхтуе даклад пра стан дачыненняў паміж Еўрасаюзам і Беларуссю.
Фота — Reuters
