Эрдаган: Турцыя не падтрымае ўступленне Швецыі і Фінляндыі ў NATO
![Эрдаган: Турцыя не падтрымае ўступленне Швецыі і Фінляндыі ў NATO](/sites/default/files/styles/gallery_main/public/2023-08/sdazduxsb5jjjn4pk76atv6spa.jpg.webp?itok=i1YokRGG)
Турцыя не падтрымае ўступленне Швецыі і Фінляндыі ў NATO, заявіў прэзідэнт Турцыі Рэджэп Таіп Эрдаган. Па яго словах, абедзве краіны нібыта не маюць "выразнай пазіцыі ў дачыненні да тэрарызму" (сярод прэтэнзій — атрыманне прытулку збеглымі з Турцыі апазіцыянерамі і курдамі ў Швецыі. Да таго ж, Швецыя, як і Фінляндыя, забаранілі пастаўкі некаторых відаў узбраенняў у Турцыю за яе ўдзел у вайне ў Сірыі.
Эрдаган заявіў таксама, што кіраўнікі знешнепалітычных ведамстваў Швецыі і Фінляндыі могуць не прыязджаць у Турцыю з мэтай пераканаць ухваліць іх заяўку.
На фоне агрэсіі Расіі супраць Украіны Стакгольм і Хельсінкі заявілі, што падаюць заяўкі на сяброўства ў NATO. Чакалася, што гэта можа адбыцца па паскоранай працэдуры. Аднак пазіцыя Турцыі змяніла сітуацыю.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.