Падлеткі з Беларусі і Украіны разбурылі пчальнік на тэрыторыі музея ў Варшаве
![Падлеткаў абвінавачваюць у "акце вандалізму"](/sites/default/files/styles/gallery_main/public/2024-04/179-260586.jpg.webp?itok=2Kumz6o8)
Падлеткаў абвінавачваюць у "акце вандалізму" / mokotow.policja.gov.pl
Два 13-гадовыя падлеткі — дзяўчынка з Украіны і хлопчык з Беларусі — разбурылі пчальнік на тэрыторыі Музея палаца караля Яна III у Варшаве. Паліцыя высветліла, што падлеткі ўзялі вогнетушыцелі і разбілі імі вуллі. Гэта падчас абходу заўважыў супрацоўнік музея і выклікаў паліцыю. Пяць вулляў апынуліся спустошаныя, а рамкі — паламаныя. З 20 пчаліных семʼяў, якія жылі на тэрыторыі музея, загінулі тры, стан астатніх правяраюць.
Паліцыя затрымала і дапытала беларуса і ўкраінку. Свае паводзіны яны патлумачылі тым, што ім захацелася пакаштаваць мёду. Абвінавачанні выставілі па факце знішчэння маёмасці і парушэння закона аб ахове жывёл. Справу разгледзіць суд па сямейных справах. Паліцыя абяцае, што падлеткі адкажуць за свой учынак.
"Гэтае месца, дзе праводзяцца адукацыйныя заняткі і курсы пчалярства, а мёд з пчальніка выкарыстоўваўся для кулінарных майстар-класаў, якія праводзяцца ў нашым музеі, — пішуць супрацоўнікі музея. — Пчолы аказваюць вялікі ўплыў на экасістэму і на наша жыццё. Мы не можам апісаць, якая шкода была нанесена гэтым актам вандалізму".
![Падлеткі з Беларусі і Украіны разбурылі пчальнік на тэрыторыі музея ў Варшаве](/sites/default/files/styles/default_image_paragraph/public/paragraphs/image/436401878_816288773866675_1030703971900791547_n.jpg.webp?itok=yv0gUBkk)
![Падлеткі з Беларусі і Украіны разбурылі пчальнік на тэрыторыі музея ў Варшаве](/sites/default/files/styles/default_image_paragraph/public/paragraphs/image/436814128_816295277199358_1203407908496758920_n.jpg.webp?itok=JFMVXnnD)
![Падлеткі з Беларусі і Украіны разбурылі пчальнік на тэрыторыі музея ў Варшаве](/sites/default/files/styles/default_image_paragraph/public/paragraphs/image/437111889_816288870533332_6446526643633988094_n.jpg.webp?itok=-jqRsLbG)
![Падлеткі з Беларусі і Украіны разбурылі пчальнік на тэрыторыі музея ў Варшаве](/sites/default/files/styles/default_image_paragraph/public/paragraphs/image/437463631_816289077199978_1918835520899968911_n.jpg.webp?itok=xwbUM8E_)
![Падлеткі з Беларусі і Украіны разбурылі пчальнік на тэрыторыі музея ў Варшаве](/sites/default/files/styles/default_image_paragraph/public/paragraphs/image/437701547_816288830533336_6748150955796173521_n.jpg.webp?itok=-XDGFVH4)
![Падлеткі з Беларусі і Украіны разбурылі пчальнік на тэрыторыі музея ў Варшаве](/sites/default/files/styles/default_image_paragraph/public/paragraphs/image/437116177_816288833866669_869640620756172448_n.jpg.webp?itok=yvF7SPyr)
![Падлеткі з Беларусі і Украіны разбурылі пчальнік на тэрыторыі музея ў Варшаве](/sites/default/files/styles/default_image_paragraph/public/paragraphs/image/179-260585.jpg.webp?itok=NyHCUMPq)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.