Дзярждэп: ЗША не спыняе візавую латарэю Green Card на бліжэйшы год

Амерыканскія ўлады не прыпыняюць праграму візавай латарэі і не ўносяць у яе ніякіх зменаў, нягледзячы на ​​рэзкую крытыку з боку прэзідэнта Дональда Трампа ў сувязі з тэрактам у Нью-Ёрку. Пра гэта са спасылкай на афіцыйнага прадстаўніка Дзярждэпартамента ЗША паведамляе інфармагенцтва ТАСС.

"У цяперашні час не робіцца ніякіх зменаў у праграме "Разнастайнасць за кошт выдачы віз", якая прадугледжана законам. [За далейшай інфармацыяй на гэты конт] мы накіроўваем вас да заявы Белага дома ад 8 кастрычніка", — сказала яна.

Згаданая дыпламатам заява распаўсюджаная ад імя прэс-сакратара Белага дома Сары Сандэрс. У прыватнасці, яна заклікае да ліквідацыі латарэі, у рамках якой разыгрываюцца іміграцыйныя візы.

У дакуменце сказана, што многія замежнікі, якія прымаюць удзел у праграме, "не маюць зусім ніякіх сувязяў з ЗША, ніякіх асаблівых навыкаў, іх адукацыя абмежаваная". Там таксама адзначалася, што візавая латарэя з'яўляецца "лёгкай мішэнню для махляроў" і што яе рэалізацыя "дорага каштуе і адымае шмат часу ў Дзярждэпартамента".

Зараз амерыканскае знешнепалітычнае ведамства, якое курыруе праграму, праводзіць чарговы этап гэтай латарэі. Прыём заявак пачаўся 18 кастрычніка, а завяршыцца павінен 22 лістапада. Права на ўдзел маюць у тым ліку грамадзяне ўсіх былых савецкіх рэспублік. Напрыклад, Беларусі.

У апошні час візавая латарэя падвяргаецца крытыцы прэзідэнта ЗША Дональда Трампа. Ён у прынцыпе выступае за больш жорсткі міграцыйны кантроль, а новыя аргументы супраць Green Card атрымаў пасля таго, як высветлілася, што падазраваны ў здзяйсненні тэракту на Манхэтэне — 29-гадовы Сайфула Саіпаў — у 2010 годзе трапіў з Узбекістана ў ЗША, менавіта выйграўшы візу ў латарэю .