Джып Узброеных сілаў Беларусі прадаецца ў дзіцячых цацках (фота)
У цацачных крамах Беларусі з'явіліся цацкі, якія паказваюць беларускае войска. Фотаздымак джыпа з вайскоўцамі Узброеных сілаў Беларусі апублікаваў у сваім акаўнце на фэйсбуку Аляксей Шэін. Ён распавёў, што цацку пабачыў у краме ў мінскім мікрараёне "Каменная Горка".
Як высветліла Еўрарадыё, цацкі выпускае кампанія "Палессе". Цацкі робяцца на ўзор такіх самых расійскіх, але маюць беларускі сцяжок.
