Дыскваліфікаваныя брэсцкія дынамаўцы: абаронца Хачарыдзі і масажыст Лапіцкі
![Дыскваліфікаваныя брэсцкія дынамаўцы: абаронца Хачарыдзі і масажыст Лапіцкі](/sites/default/files/styles/gallery_main/public/2023-08/718c121c494d5ccdf0861f1e718caf24.jpg.webp?itok=pJE8jYi9)
Дыскваліфікаваныя брэсцкія дынамаўцы: абаронца Яўген Хачарыдзі і масажыст Сяргей Лапіцкі. Беларуская федэрацыя футбола адрэагавала на іх паводзіны падчас і пасля нядаўняга матчу ў Віцебску. У канцы таго паядынку Хачарыдзі ў адыграным эпізодзе ударыў нагой саперніка ў штрафной пляцоўцы і быў выдалены, у браму "Дынама" прызначаны пенальці, які "Віцебск" рэалізаваў. У выніку дынамаўцы атрымалі паражэнне з лікам 0:1. Як пісаў "Прессбол", у пратаколе матчу сказана, што Яўген Хачарыдзі ў падтрыбунным памяшканні спрабаваў ударыць галоўнага суддзю матча Сяргея Чыстова (футбаліст гэта адмаўляе), а Лапіцкі нецэнзурна абражаў судзейскую брыгаду і пагражаў фізічнай расправай.
Кантрольна-дысцыплінарны і па этычных пытаннях камітэт федэрацыі дыскваліфікаваў Хачарыдзі на 5 матчаў і аштрафаваў яго на 1350 рублёў. Лапіцкі дыскваліфікаваны на тры матчы і аштрафаваны на 810 рублёў. Таксама аштрафаваны на 810 рублёў і ФК "Дынама-Брэст".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.