Дырэктар мінскай фірмы не заплаціў падаткі на 11 мільярдаў рублёў

Дырэктар мінскай фірмы не заплаціў падаткі на 11 мільярдаў рублёў

Следчы камітэт распачаў крымінальную справу на дырэктара прыватнай кампаніі, якая недаплаціла ў бюджэт 11 мільярдаў рублёў. Фірма займаецца пастаўкамі сродкаў для абароны раслінаў.

Падставай для крымінальнага пераследу сталі матэрыялы праверкі, зладжанай Галоўным упраўленнем па барацьбе з арганізаванай злачыннасцю і карупцыяй МУС Беларусі. Паводле гэтых матэрыялаў, дырэктар фірмы сумесна з жыхаром Мінскага раёна і жыхаркай Мінска, якія таксама працавалі ў гэтай кампаніі, схавалі прэміяльныя выплаты вытворцаў і занізілі падатковую базу для ўліку падатку на прыбытак болей як на 64 мільярды рублёў.

Маёмасць падазраваных і прадпрыемства на суму болей за 330 мільярдаў рублёў арыштаванае. Фігуранты справы затрыманыя і змешчаныя ў СІЗА, паведамляе прэс-служба Следчага камітэту.

Фота з архіву

Апошнія навіны

Галоўнае

Выбар рэдакцыі