Вы тут

Дварковіч патлумачыў, чаму Беларусь не заплаціла за пастаўкі расійскага газу

Беларусь пакуль не пералічыла Расіі грошы за пастаўкі газу. Пра гэта, як перадае interfax.by, заявіў віцэ-прэм'ер Расіі Аркадзь Дварковіч.

Па яго словах, яшчэ не падпісаныя пагадненні паміж Беларуссю і Расіяй "па некаторых іншых тэмах". А пералічэнне грошай спалучанае менавіта з падпісаннем гэтых пагадненняў. Дварковіч удакладніў, што гэтыя дакументы павінны прайсці праз працэдуру пасяджэння ўрада.

Расійскі віцэ-прэм'ер паведаміў, што ў чацвер, 27 кастрычніка, з візітам у Беларусі будзе знаходзіцца старшыня ўрада РФ Дзмітрый Мядзведзеў. Мяркуецца, што падчас яго візіту сярод іншага будзе абмяркоўвацца і аплата паставак расійскага газу.