Два вайскоўцы абгарэлі на палігоне пад Асіповічамі
25 сакавіка на палігоне пад Асіповічамі загарэлася транспартна-зараджальная машына аднаго з падраздзяленняў, якое выконвала вучэбна-баявыя задачы падчас палявога выхаду. Пра гэта паведамляе прэс-служба Міністэрства абароны ў сваім Telegram-канале.
Пры здарэнні два вайскоўцы атрымалі апёкі рознай ступені цяжкасці. Іх шпіталізавалі.
Прычыны ўзгарання высвятляе камісія Міністэрства абароны.
У беларускім войску з 24 сакавіка праходзіць другі этап праверкі баявой гатоўнасці.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
