Для МНС купляюць тактыка-штурмавыя бронекамізэлькі — MotolkoHelp
![Для ратавальнікаў купляюць бронекамізэлькі](/sites/default/files/styles/gallery_main/public/2024-08/kamizelka-2808.png.webp?itok=-i4EjL9d)
Для ратавальнікаў купляюць бронекамізэлькі / t.me/motolkohelp
Міністэрства па надзвычайных сітуацыях купляе спецыялізаваныя тактыка-штурмавыя бронекамізэлькі, заўважыў тг-канал MotolkoHelp. Плануецца да 20 снежня купіць 168 штук.
У параметрах закупкі гаворыцца, што бронекамізэлькі павінны мець клас абароны не ніжэй за Бр5 — гэта адзін з самых высокіх узроўняў абароны. Такія камізэлькі могуць абараніць чалавека, калі ў яго пацэляць з аўтамата Калашнікава і вінтоўкі СДВ. Вышэй за яго толькі клас абароны Бр6 — ён абараняе ад кулі з буйнакалібернай вінтоўкі ОСВ-96.
Ва ўнутраных дакументах падаецца малюнак бронекамізэлькі і паведамляецца, што яна мусіць мець шлейку для перацягвання пацярпелага.
Пра ўзбраенне супрацоўнікаў МНС Лукашэнка загаварыў у лютым 2022 года. Ён сказаў, што ў выпадку ўзброенага канфлікту ратавальнікі "не толькі пажар будуць тушыць". Пазней было абвешчана, што іх узброяць аўтаматамі і пісталетамі. Сёлета ў красавіку кіраўнік ведамства Вадзім Сіняўскі адрапартаваў, што ўзбраенне ратавальнікаў завяршылі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.