Даклад Amnesty International, дзе абвінавачваюцца ВСУ, правераць эксперты

Праваабарончая арганізацыя Amnesty International настойвае на праверцы незалежнымі экспертамі дакладу, у якім гаворыцца, што ўкраінскія вайскоўцы парушаюць законы вайны. Працэс ініцыюецца на міжнародным узроўні, піша Deutsche Welle.

— Мы хочам зразумець, што менавіта пайшло не так і чаму, каб атрымаць урокі і палепшыць нашу працу ў галіне правоў чалавека, — заявілі ў Amnesty International.

Праваабаронцы згодныя, што кантэксту ў дакладзе было недастаткова.

— У ім не было нададзена належнай увагі расійскай агрэсіі ў парушэнне міжнароднага права і шматлікім вайсковым злачынствам, учыненым расійскімі вайскоўцамі і задакументаваным Amnesty International... Высновы не былі перададзеныя з той далікатнасцю і дакладнасцю, якую варта чакаць ад Amnesty... Мы асуджаем інструменталізацыю прэс-рэлізу расійскімі ўладамі.

Даклад па Украіне апублікаваны 4 жніўня. Так адзначалася, што ВСУ ствараюць базы ў жылых раёнах, уключаючы школы і бальніцы. Гэта парушэнне гуманітарнага права і законаў вайны, гаворыцца ў дакладзе. Пры гэтым праваабаронцы напісалі, што гэта "ніякім чынам не апраўдвае выбіральныя расійскія атакі".

Уладзімір Зяленскі заявіў, што Amnesty International дапусціла "амаральную выбіральнасць". Украінскі офіс арганізацыі ў падрыхтоўцы дакладу не ўдзельнічаў, а яго кіраўнік Аксана Покальчук пасля публікацыі сышла ў адстаўку ў знак пратэсту.