Вы тут

Даішнік прыдушыў пінчука, які стукнуў яго. Мужчына страціў прытомнасць

Фота: pixabay.com

У Пінску натоўп ледзь не зладзіў самасуд над даішнікам. Відэа гэтага здарэння трапіла ў сацсеткі. 

ДАІ эвакуявала аўтамабілі, няправільна прыпаркаваныя каля рынка. Мужчына падышоў да інспектара і запатрабаваў прадставіцца. Пінчук абражаў кіроўцу эвакуатар і даішніка, называючы іх клоўнамі. Іх адказы на відэа не чуваць. 

Урэшце даішнік выставіў наперад руку і, магчыма, дакрануўся да мужчыны — той у адказ стукнуў міліцыянта. Пасля кароткай бойкі кіроўца эвакуатара дапамог затрымаць мінака. Пры гэтым даішнік ужыў удушальны прыём, ад якога праціўнік страціў прытомнасць.

Пакуль выклікалі "хуткую" і рабілі мужчыну штучнае дыханне, натоўп накінуўся на даішніка і ледзь не зладзіў самасуд.