ДАІ плануе "лавіць" з дапамогай фота кіроўцаў без тэхагляду і страхоўкі
![Пакуль камеры фотафіксацыі выкарыстоўваюць для выяўлення парушальнікаў хуткаснага рэжыму / abw.by](/sites/default/files/styles/gallery_main/public/2023-08/avto_17_10.jpg.webp?itok=C-nAEjOw)
Пакуль камеры фотафіксацыі выкарыстоўваюць для выяўлення парушальнікаў хуткаснага рэжыму / abw.by
Беларуская ДАІ плануе выкарыстоўваць камеры фотафіксацыі для выяўлення аўтааматараў, якія ездзяць без страхоўкі або тэхагляду. Пра гэта расказаў у эфіры тэлеканала СТВ намеснік начальніка ДАІ МУС Беларусі Аляксандр Занімон. Пакуль камеры выкарыстоўваюць для таго, каб выяўляць і караць парушальнікаў хуткаснага рэжыму. Перавышэнне дапушчальнай хуткасці, паводле слоў Занімона, — гэта самае частае парушэнне кіроўцаў.
Тым не менш, паводле яго слоў, ДАІ плануе пашырыць прымяненне камер для фіксацыі і іншых парушэнняў ПДР. "Гэта і кіраванне транспартным сродкам без праходжання дзяржаўнага тэхнічнага агляду, без страхоўкі, займанне паласы для руху грамадскага транспарту", — расказаў Занимон.
ДАІ ўжо ловіць з дапамогай фотафіксацыі кіроўцаў з няпройдзеным тэхаглядам, але робіць гэта пакуль у тэставым рэжыме. Тым не менш, пастановы паводле гэтых парушэнняў ужо выносіліся.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.