Вы тут

Да заснавальнікаў 21veк.by пусцілі адвакатаў

Статус заснавальнікаў кампаніі 21veк.by застаецца невядомым / Яндэкс

Да заснавальнікаў анлайн-гіпермаркета 21veк.by дапусцілі адвакатаў, паведамляе прэс-служба кампаніі. Яны прысутнічалі на допытах, а таксама змаглі сустрэцца з затрыманымі асабіста.

Сяргей Вайніловіч, Павел Матусевіч, Іван Плюгачоў і Сяргей Стаюнічаў, як паведамляюць абаронцы, пачуваюцца добра, "настроеныя пазітыўна і прымаюць удзел у вырашэнні працоўных пытанняў". Пакуль што няма звестак ні пра статус затрыманых ні пра абвінавачанні, якія ім могуць выстаўляць.

Рахункі анлайн-гіпермаркета не заблакаваныя, усе сэрвісы працуюць у штатным рэжыме.

Як паведамлялася раней, у офіс самай буйной у Беларусі анлайн-крамы 22 чэрвеня супрацоўнікі КДБ правялі ператрус, забралі дакументы. былі затрыманыя заснавальнікі кампаніі Сяргей Вайніловіч, Павел Матусевіч, Іван Плюгачоў, а таксама начальнік падраздзялення закупак Сяргей Стаюнічаў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.