Да канца года ЗВР Беларусі могуць скараціцца амаль на мільярд долараў

Да канца года ЗВР Беларусі могуць скараціцца амаль на мільярд долараў

Да канца года золатавалютныя рэзервы Беларусі могуць скараціцца амаль на мільярд долараў. Пра гэта 15 красавіка на прэс-канферэнцыі ў Мінску заявіў старшыня праўлення Нацбанка Павел Калаўр.

"З улікам выканання знешніх або ўнутраных абавязацельстваў золатавалютныя рэзервы склалі на 1 красавіка $6,9 млрд, — нагадаў ён. — На канец года, з улікам прагназуемых паступленняў і выплат, па нашых ацэнках, яны складуць больш за $6 млрд".

ЗВР Беларусі зніжаюцца трэці месяц запар. За сакавік яны знізіліся на 174,5 мільёна долараў ці на 2,5%.

Як вядома, у адпаведнасці з асноўнымі кірункамі грашова-крэдытнай палітыкі на гэты год аб'ём ЗВР на 1 студзеня 2022-га павінен скласці не менш за 6 мільярдаў долараў. Прыблізна гэтую лічбу і назваў у сваім прагнозе Калаўр.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі