Да будынка суда, дзе разглядаюць справу Карнея, прыязджалі еўрапейскія дыпламаты
Ігара Карнея судзяць у Мінскім гарадскім судзе / facebook.com/EUinBelarus/
Да будынка суда, дзе разглядаюць справу Ігара Карнея, прыязджалі еўрапейскія дыпламаты, каб выказаць сваю салідарнасць з ім. Былога журналіста судзяць у Мінскім гарадскім судзе, абвінавачваюць ва ўдзеле ў "экстрэмісцкім фармаванні".
Каля суда былі дыпламаты Еўрасаюза, Аўстрыі, Нідэрландаў, Славакіі, Швецыі, Германіі, Польшчы і Вялікабрытаніі. "ЕС заклікае да неадкладнага і безумоўнага вызвалення ўсіх палітвязняў і іх эфектыўнай рэабілітацыі", — нагадвае Прадстаўніцтва Еўрапейскага Саюза. "Абвінавачванні супраць яго несправядлівыя і маюць палітычныя матывы, — адзначае амбасада Германіі. — ...Федэральны ўрад Германіі патрабуе вызвалення палітычных зняволеных у Беларусі".
