Ціханоўская павіншавала Мадзяра з перамогай на выбарах
Святлана Ціханоўская / Еўрарадыё
Лідарка беларускіх дэмакратычных сілаў Святлана Ціханоўская павіншавала Петэра Мадзяра з перамогай на парламенцкіх выбарах у Венгрыі.
"З нецярпеннем чакаю супольнай працы для ўмацавання свабоднай, мірнай і аб'яднанай Еўропы, заснаванай на дэмакратыі, вяршэнстве закона і волі народа", — напісала яна ў сацсетцы Х.
Па выніках выбараў, якія прайшлі ў Венгрыі 12 красавіка, апазіцыйная партыя Петэра Мадзяра "Ціса" можа атрымаць канстытуцыйную большасць у парламенце. Хаця канчатковы падлік галасоў яшчэ не завершаны, прэм'ер-міністр Віктар Орбан, які з партыяй "Фідэс" трымаў уладу 16 гадоў, прызнаў сваю паразу і павіншаваў Мадзяра з перамогай.
Congratulations to Péter Magyar @magyarpeterMP on his election victory in Hungary.
— Sviatlana Tsikhanouskaya (@Tsihanouskaya) April 12, 2026
I look forward to working together to strengthen a free, peaceful, and united Europe, built on democracy, rule of law, and the will of the people.
