Ці пачне ГУБАЗіК паліць на плошчах беларускія кнігі — стрым
![Ці пачне ГУБАЗіК паліць на плошчах беларускія кнігі — стрым](/sites/default/files/styles/gallery_main/public/2023-08/zbannn.jpg.webp?itok=_AQu6yb_)
Вядомага беларускага выдаўца Андрэя Янушкевіча пасадзілі на 10 сутак за краты. Першым “званочкам” таго, што ўлады маюць пытанні да выдавецтва “Янушкевіч”, было высяленне яго з офіса ў сакавіку. Андрэй не разгубіўся, не з’ехаў за мяжу, а насуперак усяму адкрыў кніжную краму “Кнігаўка”, куды перацягнуў свой бізнес.
У дзень адкрыцця,16 траўня, у кнігарню прыйшлі сілавікі і прапагандысты, якіх абурыла тое, што там прадаюцца кнігі на беларускай мове.
Тым часам “ябацькі” ходзяць па крамах і “кашмараць” іх супрацоўнікаў за тое, што яны прадаюць літаратуру, ілюстраваную беларускай сімволікай. Яны прымушаюць гандляроў здымаць з палічак такія выданні. Такім чынам, сітуацыя з беларускімі кніжнікамі трошкі не дацягвае да 1933 года, калі нацысты палілі непажаданую літаратуру на плошчах?
Ці можа такое паўтарыцца ў сучаснай Беларусі? Чаму ўлады не першы раз чапляюцца да незалежных выдаўцоў? Якую пагрозу нясе модная беларуская літаратура пуцінскай імперыі?
На гэтыя ды іншыя пытанні адказвае беларускі культуролаг і крытык Максім Жбанкоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.