Вы тут

20 ліпеня ў Мінску зноў перакрываюць рух транспарту

Падчас параду ратавальнікаў у 2018 годзе / Reuters

У Мінску перакрыюць рух транспарту 20 ліпеня. На гэты раз нязручнасці, з якімі сутыкнуцца аўтамабілісты, звязаны з парадам ратавальнікаў, якія будуць святкаваць прафесійнае свята — Дзень пажарнай службы. Як інфармуе ў Telegram прэс-служба сталічнай ДАІ, у суботу для руху транспарту з 07:30 да 08:30 перакрыюць участак вуліцы Янкі Купалы — ад праспекта Незалежнасці да Першамайскай вуліцы (у абодва бакі), з 10:30 да 12-й гадзіны — участак праспекта Незалежнасці — ад вуліцы Янкі Купалы да вуліцы Казлова (таксама ў абодва бакі).

ДАІ просіць аўтамабілістаў улічваць гэтую інфармацыю падчас выбару маршрута.

ДАІ