Чацвёрты пакет санкцыяў ЕС могуць прыняць напрыканцы студзеня 2021 года
![Чацвёрты пакет санкцыяў ЕС могуць прыняць напрыканцы студзеня 2021 года](/sites/default/files/styles/gallery_main/public/2023-08/kavalieuski-3012.jpg.webp?itok=08xOiiZS)
Чацвёрты пакет санкцыяў Еўрасаюза супраць прадстаўнікоў Беларусі будзе разглядацца і прымацца напрыканцы студзеня — на пачатку лютага. Пра гэта паведаміў Валерый Кавалеўскі, прадстаўнік Святланы Ціханоўскай па міжнародных справах.
"Праца пачалася. Пакет фармуецца. Можам казаць пра тое, што мы можам дапаўняць новымі імёнамі", — заявіў ён.
Таксама Кавалеўскі паведаміў, што Святлана Ціханоўская здзейсніла дзесяць візітаў у розныя краіны, усталявала кантакты з уладамі 25 дзяржаў. Яе прымаюць як нацыянальную лідарку Беларусі.
Трэці пакет санкцыяў ЕС быў прыняты 17 снежня. У яго ўвайшлі 29 чалавек (у дадатак да ранейшых 55) і сем юрыдычных асобаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.