Вы тут

Былы галоўны ідэолаг стаў кіраўніком адміністрацыі Цэнтральнага раёна Мінска

Фота: brsm.by

Аляксандр Лукашэнка даў згоду на прызначэнне Ігара Бузоўскага кіраўніком адміністрацыі Цэнтральнага раёна Мінска, паведамляе прэс-служба кіраўніка дзяржавы. Перад гэтым чыноўнік быў намеснікам кіраўніка Адміністрацыі прэзідэнта і адказваў за ідэалогію ў краіне. 

44-гадовы Бузоўскі атрымаў вядомасць як адзін з кіраўнікоў Беларускага рэспубліканскага саюза моладзі. У 2003-2005 гадаў ён быў другім сакратаром ЦК гэтай афіцыёзнай моладзевай арганізацыі, а ў 2010-2014 — першым сакратаром ЦК. 

Акрамя таго, Бузоўскі паспеў папрацаваць намеснікам гендырэктара Дырэкцыі прамаўтавання Нацыянальнай дзяржаўнай тэлерадыёкампаніі (2002-2003), дарадцам-кансультантам, галоўным дарадцам Адміністрацыі прэзідэнта (2005-2010). 

У снежні 2014 года чыноўнік дасягнуў піка сваёй кар'еры — стаў намеснікам кіраўніка Адміністрацыі. Прабыў ён на гэтай пасадзе два гады — да снежня 2016-га, калі быў вызвалены "ў сувязі з пераходам на іншую працу". Іншая праца былому галоўнаму ідэолагу знайшлася толькі праз тры месяцы. 

Новости других медиа
Загрузка...
Загрузка...

Галоўнае

Жыхары вёскі самі робяць ямачны рамонт. Дарожнікі бясплатна забяспечылі іх матэрыяламі і тэхнікай.
Аляксандра Баярына з дачкой Яняй. Фота - з акаўнта Аляксандры ў фэйсбуку

Выбар рэдакцыі