Больш за 80% украінцаў дрэнна ставяцца да Беларусі, больш за 90% — да Лукашэнкі
![Сумны Аляксандр Лукашэнка](/sites/default/files/styles/gallery_main/public/2023-08/1032268950_0_0_3057_1719_1920x0_80_0_0_28d2e9613f9bae98c5567e9954f6cc80.jpg.webp?itok=MDdXELib)
Сумны Аляксандр Лукашэнка
80,6% украінцаў лічаць Беларусь удзельніцай вайны, развязанай Расіяй ва Украіне. Супрацьлеглага меркавання прытрымліваюцца 7, 5% апытаных, яшчэ 11, 9% не вызначыліся. Такія вынікі сацыялагічнага апытання, якое з 22 лютага па 1 сакавіка 2023 года правёў Цэнтр Разумкова.
Увогуле, украінскае грамадства дэманструе жахліва негатыўнае стаўленне да Беларусі. Больш за 80% рэспандэнтаў ставяцца да Беларусі адмоўна (56,3% — адмоўна, 24,4% — пераважна адмоўна). Станоўчае стаўленне да Беларусі выказалі 12,4% апытаных.
Яшчэ горш грамадзяне Украіны ставяцца да Аляксандра Лукашэнкі. Больш за 90% рэспандэнтаў ставяцца да яго негатыўна (76,3% — негатыўна, 15,9% — пераважна негатыўна). А пазітыўна да Лукашэнкі ставяцца ўсяго 3,3% апытаных.
Дзве траціны апытаных цалкам (46,7%) ці хутчэй (22,5%) падтрымліваюць поўны разрыў усіх адносінаў Украіны з Беларуссю пасля перамогі Украіны ў вайне. Зусім не падтрымліваюць поўны разрыў усіх адносінаў Украіны з Беларуссю ўсяго 5,4% апытаных, хутчэй не падтрымліваюць — 11,2%.
![Больше 80% украинцев негативно относятся к Беларуси, больше 90% — у Лукашенко](/sites/default/files/styles/default_image_paragraph_watermark/public/paragraphs/image/Screenshot_1_2.png.webp?itok=W1Ki_Pdl)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.