Больш за 270 дамоў засталіся без электрычнасці ў Слонімскім раёне
Паведамленне аб адключэнні высакавольтнай лініі электраперадачы 35 кВ у Слонімскім раёне паступіла ў дыспетчарскую службу МНС ўчора каля 23-й гадзіны.
Без электразабеспячэння засталіся чатыры населеныя пункты — гэта 272 прыватныя дамы і больш за 650 жыхароў. Акрамя таго, абясточанай апынулася малочна-таварная ферма ў вёсцы Касцяні.
Рамонтна-будаўнічыя работы пачаліся раніцай. Прычына адключэння высвятляецца, перадае БЕЛТА.
Гродзенскія выратавальнікі кажуць, што ў выніку праходжання навальнічнага фронту з моцнымі парывамі ветру ў трох населеных пунктах Воранаўскага і Шчучынскага раёнаў пашкоджаныя дахі сямі фермаў, а таксама аднаго жылога дома.
Фота — tvoya-gazeta.com
