Беспрацоўе і беднасць: калі не дапамагчы Украіне, прамысловасці Беларусі канец
![Палітыка Лукашэнкі пагаршае становішча Украіны і вядзе беларусаў да галечы / калаж Улада Рубанава, Еўрарадыё](/sites/default/files/styles/gallery_main/public/2023-08/glavnaya_191.jpg.webp?itok=0_PGRL4x)
Палітыка Лукашэнкі пагаршае становішча Украіны і вядзе беларусаў да галечы / калаж Улада Рубанава, Еўрарадыё
У найбліжэйшы час беларуская прамысловасць будзе паралізаваная, а ВУП у 2022 годзе прасядзе на 10–15%, лічаць эксперты. Гэта азначае велізарнае беспрацоўе і тое, што ў беларусаў не будзе грошай нават на тыя нешматлікія тавары, якія застануцца ў краіне.
Такія вынікі агрэсіі супраць Украіны, якую дапусціў Лукашэнка.
Праблема для большасці вытворчасцяў у тым, што беларускі рынак занадта малы, каб загрузіць прадпрыемствы, а партнёры па ўсім свеце адмаўляюцца ад супрацоўніцтва. Акрамя таго, для вытворчасці часта патрэбны прамежкавыя імпартныя тавары.
Пакуль у Беларусі засталіся банкі, якія не трапілі пад санкцыі ЕС і ЗША. Таму яны яшчэ могуць праводзіць плацяжы за такія тавары ў доларах і еўра. Мяркуючы па тым, што Беларусі абяцалі такія самыя санкцыі, як Расіі, краіне таксама пагражае адключэнне ад SWIFT. Тады пра любыя міжнародныя плацяжы можна забыцца.
"На прадпрыемствы можна павесіць свірнавы замок"
![Безработица и бедность: если не помочь Украине, промышленности Беларуси конец](/sites/default/files/paragraphs/image/kaliy_3.jpg)
Да пачатку 2021 года ўклад прамысловасці ў ВУП склаў 25,5%. Там было занята 23,5% работнікаў Беларусі — больш за 1 млн чалавек. У 2021 годзе прамысловасць была асноўным драйверам росту эканомікі за кошт знешняга попыту. Сёлета гаворка ідзе не пра падлікі страт канкрэтных прадпрыемстваў, а пра спыненне ледзь не ўсёй прамысловасці і вялізнае беспрацоўе.
— На ўсе прадпрыемствы беларускай прамысловасці можна павесіць свірнавы замок. У межах найбліжэйшых некалькіх тыдняў яна цалкам спыніць сваю працу, — кажа эканаміст Алег Мазаль. — Застануцца працаваць толькі прадпрыемствы, якія атрымліваюць беларускую сыравіну і працуюць на ўнутраны рынак. Надзея на тое, што мы зможам прадаваць гэтую прадукцыю, як у нас фантазіруе прэм'ер-міністр, у Расію ці Кітай, невыканальная.
У Расіі сітуацыя дрэнная, як і ў Беларусі, а нашы самыя прыбытковыя сферы — угнаенні і нафтаперапрацоўка — там не запатрабаваныя. Хапае і сваёй вытворчасці.
— Гэта катастрофа для беларускай прамысловасці. Будуць беспрацоўныя. Усе прадпрыемствы, уся нафтахімічная галіна ляжа. Не будзе працаваць БМЗ, БелАЗ, МАЗ. Трактарны завод спыніцца. Гэта будзе проста эканамічная катастрофа.
![Безработица и бедность: если не помочь Украине, промышленности Беларуси конец](/sites/default/files/paragraphs/image/maz_0.jpg)
Калі "Беларуськалій" дазволіў зарабіць на экспарце $2,41 млрд у 2020 годзе, то цяпер зусім невялікія аб'ёмы калію будуць спажытыя ў Беларусі. Астатняе прадаць нават ахвочым купіць вельмі складана праз разлікі і лагістыку.
![Безработица и бедность: если не помочь Украине, промышленности Беларуси конец](/sites/default/files/paragraphs/image/sowing08c.jpg)
У беларускага ўрада ёсць толькі адзін шанц прадухіліць катастрофу, упэўнены Алег Мазаль.
— Па-першае, трэба адвесці войскі ад мяжы з Украінай, вярнуць іх у казармы. Абвясціць пра тое, што Беларусь ні ў якім разе не будзе ўдзельнічаць у вайне з Украінай. Па-другое, забараніць расійскім войскам ажыццяўляць авіяналёты з тэрыторыі Беларусі, ракетныя ўдары па ўкраінскіх гарадах. Расійскія войскі павінны быць выведзеныя з тэрыторыі Беларусі, забаронены пераход імі беларуска-ўкраінскай мяжы. Па-трэцяе, трэба пачаць пастаўляць гуманітарную дапамогу ва Украіну. Гэта адзіны шанц нешта вярнуць для Беларусі. Гэта неабходна зрабіць проста цяпер.
![Безработица и бедность: если не помочь Украине, промышленности Беларуси конец](/sites/default/files/paragraphs/image/borodyankapodkievom.jpg)
Можна схавацца ў гарод або чалавекам звацца
Эканаміст Яраслаў Раманчук адзначае, што санкцыі ў дачыненні да Беларусі як агрэсара будуць пашырацца. Паводле ягоных прагнозаў, прамысловасць праз месяц ці два будзе паралізаваная і ў Беларусі, і ў Расіі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.