Белтэлерадыёкампанію выключылі з Еўрапейскага вяшчальнага саюза
![Белтэлерадыёкампанію выключылі з Еўрапейскага вяшчальнага саюза](/sites/default/files/styles/gallery_main/public/2023-08/bt_0.png.webp?itok=3aFOg-8S)
Белтэлерадыёкампанію выключылі з Еўрапейскага вяшчальнага саюза. Гэта адбылося 30 чэрвеня на пасяджэнні выканаўчага савета арганізацыі. Пра гэта Еўрарадыё паведамілі яе прадстаўнікі. З 1 ліпеня БТРК больш не зможа атрымаць доступ да шэрагу паслуг, даступных для членаў ЕВС. Сярод іх:
■ абмен навінамі і музычным кантэнтам;
■ правы на трансляцыю пэўных музычных і спартыўных мерапрыемстваў;
■ юрыдычную, тэхнічную і даследчую экспертызу;
■ паслугі па абароне інтарэсаў.
Пазней Белтэлерадыёкампанія пракаментавала выключэнне з Еўрапейскага вяшчальнага саюза.
У канцы траўня Еўрапейскі вяшчальны саюз запатрабаваў ад Белтэлерадыёкампаніі тлумачэнняў за паказ здзекаў з людзей. І даў на гэта два тыдні. Членства БТРК было замарожана.
Яшчэ ў красавіку кіраўнік Народнага антыкрызіснага ўпраўлення Павел Латушка звярнуўся ў EBС з просьбай вывучыць датычнасць Белтэлерадыёкампаніі да катаванняў: у эфіры паказвалі збітых людзей на фоне дзяржаўнага сцягу РБ (у якасці прыкладу было далучана відэа са збітым палітвязнем Мікалаем Дзядком, якога цяпер судзяць у Мінску).
З прапановай выключыць Белтэлерадыёкампанію з арганізацыі выступіла Швецыя.
![Белтэлерадыёкампанію выключылі з Еўрапейскага вяшчальнага саюза](/sites/default/files/paragraphs/image/atnd.png)
We welcome @EBU_HQ decision to exclude Belarusian State TV BTRC from the Union. Regime's relentless gruesome propaganda broadcasting violence, torture of political prisoners, inciting hatred against people demanding democracy invited this extraordinary but well-deserved ban. pic.twitter.com/Hq0XWcuHda
— Sviatlana Tsikhanouskaya (@Tsihanouskaya) June 30, 2021
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.