BELPOL расказаў, як беларускія фірмы абслугоўваюць ФСБ і Расгвардыю
Прыцэлы для вайны супраць Украіны / Кадр з відэа
Аб'яднанне беларускіх сілавікоў BELPOL працягвае збіраць факты, як рэжым Аляксандра Лукашэнкі зарабляе крывавыя грошы на вайне ва Украіне. У чарговым расследаванні называюцца дзясяткі прадпрыемстваў, якія ўдзельнічаюць у вырабе прыцэлаў для расійскіх танкаў і бронетэхнікі. Для вытворчасці дэталяў прыцэлаў выкарыстоўваецца нават праца зняволеных папраўчай калоніі № 9.
BELPOL паведамляе, што ААТ "Пеленг" (знаходзіцца пад заходнімі санкцыямі) пастаўляе сваю прадукцыю ў тым ліку ФСБ і Расгвардыі.
