Беларусы ўдзельнічалі ў абрабаванні савецкага выведніка Кузняцова

Герою Савецкага Саюза 86-гадоваму Мікалаю Кузняцову, які жыве ў горадзе Пестава Наўгародскай вобласці Расіі, вярнулі скрадзеныя ў яго ўзнагароды. Высветлілася, што ў абрабаванні легендарнага савецкага выведніка ўдзельнічалі беларусы і ўкраінцы, якіх, паводле некаторых звестак, наняў невядомы калекцыянер з Прыбалтыкі, паведамляе расійскі тэлеканал РТР.

Адзначым, што Мікалай Кузняцоў на пачатку Другой сусветнай вайны быў засланы савецкай выведкай у нямецкія спецслужбы, дзе здабыў давер праз паспяховае выконванне шматлікіх заданняў за лініяй фронту.

Звесткі Кузняцова дапамаглі дзяржбяспецы ліквідаваць нямала засланых немцамі ў савецкі тыл дыверсійна-выведчых групаў.

Абрабавалі Кузняцова ў верасні. Да яго прыехаў хлопец, які прадставіўся маскоўскім студэнтам і папрасіў паказаць парадны мундзір з узнагародамі. Схапіўшы яго, ён уцёк з хаты на вуліцу, дзе яго чакаў аўтамабіль.

Пасля таго, як расійскія журналісты праз Інтэрнэт распаўсюдзілі зварот з просьбай знайсці ўзнагароды, невядомы чалавек вярнуў скрадзенае.

Апошнія навіны

Галоўнае

Выбар рэдакцыі