Беларусы купілі ў снежні валюты больш на $300 млн, чым у лістападзе

Пра гэта сведчаць статыстычныя дадзеныя Нацыянальнага банка.

У снежні мінулага года беларусы (фізічныя асобы) купілі 1 млрд 225 млн 400 тысяч долараў (у лістападзе — 920 млн долараў), а прадалі 750 млн 100 тысяч долараў (наяўнай і безнаяўнай валюты; у лістападзе — 682 млн 800 тысяч долараў).

БЕЛТА адзначае, што за 2013 год насельніцтва Беларусі прадало валюты на 8 млрд 295 млн 900 тысяч долараў, а купіла на 10 млрд 675 млн 900 тысяч долараў.