Беларуску арыштавалі ў Неапалі за напад на маці і паліцыянтаў
![Беларуска збіла маці і напала на італьянскіх паліцыянтаў, ілюстрацыйнае фота](/sites/default/files/styles/gallery_main/public/2024-04/bojka-0804.jpg.webp?itok=znc_hHVD)
Беларуска збіла маці і напала на італьянскіх паліцыянтаў, ілюстрацыйнае фота / pixabay.com
У Неапалі мясцовая беларуска жорстка збіла сваю маці. Тая выклікала паліцыю, піша Reform са спасылкай на паліцыю Неапаля.
Калі паліцыянты прыбылі на месца выкліку, агрэсіўная 33-гадовая жанчына напала і на іх.
Магчымай прычынай неадэкватных паводзін беларускі паліцыянты лічаць ужыванне алкаголю. Па іх словах, жанчына была "ў відавочна змененым псіхалагічным і фізічным стане, з паўпустой бутэлькай алкаголю побач з ёй".
Паліцыянты кажуць, што дачка настолькі моцна збіла сваю маці, што ў той апух твар.
Грамадзянцы Беларусі выставілі абвінавачванне ў жорсткім абыходжанні ў сям'і, нанясенні цялесных пашкоджанняў і супраціве прадстаўнікам улады.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.