Кантрабандныя цыгарэты знайшлі ў цыстэрне з алеем
Незаконны груз выяўлены на латвійска-беларускай мяжы.
У гэтым факце не было б нічога незвычайнага, калі б не спосаб перавозкі тавару, абраны кантрабандыстамі: схованку абсталявалі ўнутры цыстэрны з рапсавым алеем, паведамляе nasha.lv
Супрацоўнікі мытні знайшлі незаконны груз пры праверцы грузавога аўтамабіля Volvo, які прыехаў з Беларусі. З тайніка вынялі 10 тысяч пачак цыгарэт “Fest” з акцызнымі маркамі Рэспублікі Беларусь.
За рулём грузавога аўтамабіля знаходзіўся грамадзянін Літвы, у дачыненні да якога пачаты крымінальны працэс.
