Беларуская зброя магла патрапіць да паўстанцаў Калумбіі - іспанскія СМІ
Венесуэла з дапамогай Беларусі мела намер пастаўляць зброю калумбійскім паўстанцам з Рэвалюцыйных узброеных сілаў. Пра гэта сцвярджае іспанская газета "Эль Паіс". Выданне спасылаецца на свае крыніцы ў калумбійскім урадзе. Нібыта, у
камп'ютары забітага 1 сакавіка аднаго з лідэраў паўстанцаў Рауля
Райерса знайшлі сакрэтны дакумент. Гэта - ліст яшчэ аднаго кіраўніка
паўстанцаў нейкага Рауля Рэйерса, які паведамляе, што Уга Чавес
"разгледзеў з беларускімі ўладамі магчымасць паставак узбраення".
Ён датуецца лютым 2008 года. У лісце таксама паведамляецца, што ў Каракас прыбудзе "дэлегацыя высокіх прадстаўнікоў" ад "беларускага сябра". Паводле дадзеных "Эль Паіс", гэтым "сябрам" можа быць Віктар Шэйман, дзяржаўны сакратар Савета бяспекі Беларусі. Якраз у сярэдзіне лютага ён наведваў Венесуэлу.
Як паведамляе БелаПАН, у дзяржаўным сакратарыяце Савета бяспекі гэтую інфармацыю пакуль не каментуюць.
Ён датуецца лютым 2008 года. У лісце таксама паведамляецца, што ў Каракас прыбудзе "дэлегацыя высокіх прадстаўнікоў" ад "беларускага сябра". Паводле дадзеных "Эль Паіс", гэтым "сябрам" можа быць Віктар Шэйман, дзяржаўны сакратар Савета бяспекі Беларусі. Якраз у сярэдзіне лютага ён наведваў Венесуэлу.
Як паведамляе БелаПАН, у дзяржаўным сакратарыяце Савета бяспекі гэтую інфармацыю пакуль не каментуюць.