Беларускага арбітра прызначылі на матч за Суперкубак УЕФА
Беларускага арбітра Аляксея Кульбакова прызначылі на матч за Суперкубак УЕФА паміж "Чэлсі" і "Вільярэалам", які пройдзе 11 жніўня ў Белфасце. Кульбакоў будзе чацвёртым арбітрам. Галоўным будзе расіянін Сяргея Карасёў, яго памочнікамі — Ігар Дзямешка і Максім Гаўрылін, паведамляе uefa.com.
"Чэлсі" выйграў Лігу чэмпіёнаў, а "Вільярэал" — Лігу Еўропы.
Кульбакову 41 год. Ён — ураджэнец Гомеля. Першы паядынак у беларускім футбольным чэмпіянаце судзіў у 2003-м. Аляксей Кульбакоў з'яўляецца адзіным беларускім арбітрам, які рэгулярна прызначаецца на матчы групавых этапаў еўракубкаў.
